Qyrkúiektiń 6-y kúni Nur-Sultan qalasy boiynsha shamamen saǵat 04.55-te Mańǵystaý oblysy «QazMunaiTeńiz» TMK» JShS-ne qarasty Boranqul ken ornynda eki qabatty jataqhanada órt shyqty.
Bul týraly «QazMunaiTeńiz» JShS-niń baspasóz qyzmeti habarlady.
Baspasóz qyzmetiniń málimetterine qaraǵanda, qazir ýaqytta órt aýyzdyqtaldy. Órtti sóndirýge «QazMunaiTeńiz» JShS órtke qarsy qyzmetiniń 2 órt toby jumyldyryldy. Órttiń shyǵý sebepteri anyqtalyp jatyr.
Aldyn ala málimetter boiynsha oqiǵa kezinde eki adam qaza taýyp, úsh adam jaraqat alǵan.
Oqiǵa ornyna «QazMunaiTeńiz» JShS filialynyń basshylyǵy bardy. «QazMunaiGaz» UK AQ-da Basqarma tóraǵasy Alik Aidarbaevtyń jetekshiligimen jedel shtab quryldy. Jedel shtabtyń quramyna tiisti qurylymdyq bólimshelerdiń qyzmetkerleri kirdi.
