Foto: Qyzylorda oblystyq politsiia departamenti
Qyzylorda qalasynda politsiiaǵa mektepte jarylǵysh qurylǵy qoiylǵany týraly habarlama kelip túsken. Qazir ǵimarattan adamdar evakýatsiialanyp, mektep tekserilip jatyr, dep habarlaidy «Ult aqparat» Qyzylorda oblystyq politsiia departamentine silteme jasap.
Oqiǵa, búgin 10 sáýirde boldy. Politsiiaǵa Qyzylorda qalasyndaǵy mektepterdiń birinde jarylǵysh qurylǵy salynǵany týraly habarlama kelgen.
«Oqiǵa ornyna shuǵyl túrde jedel qyzmetter jetti. Ǵimarattan adamdar evakýatsiialanyp, tekserilýde. Departament qylmystyq quqyq buzýshylyq bolyp sanalatyn terrorizm aktisi týraly jalǵan habar bergeni úshin jaýapkershilik týraly eskertedi. Ol úshin QR Qylmystyq kodeksiniń 273-babynda (Terrorizm aktisi týraly kórineý jalǵan habarlaý) jaza kózdelgen. Osy bap boiynsha 5 jylǵa deiin bas bostandyǵynan aiyrý jazasy qarastyrylǵan», - dep málim etti Qyzylorda oblystyq politsiia departamentinen.
Eske salsaq, biyl Qyzylorda oblysynda 177 jer ýchaskesi memleket menshigine qaitaryldy.
