فوتو: قىزىلوردا وبلىستىق پوليتسييا دەپارتامەنتٸ
قىزىلوردا قالاسىندا پوليتسيياعا مەكتەپتە جارىلعىش قۇرىلعى قويىلعانى تۋرالى حابارلاما كەلٸپ تٷسكەن. قازٸر عيماراتتان ادامدار ەۆاكۋاتسييالانىپ, مەكتەپ تەكسەرٸلٸپ جاتىر, دەپ حابارلايدى «ۇلت اقپارات» قىزىلوردا وبلىستىق پوليتسييا دەپارتامەنتٸنە سٸلتەمە جاساپ.
وقيعا, بٷگٸن 10 سەۋٸردە بولدى. پوليتسيياعا قىزىلوردا قالاسىنداعى مەكتەپتەردٸڭ بٸرٸندە جارىلعىش قۇرىلعى سالىنعانى تۋرالى حابارلاما كەلگەن.
«وقيعا ورنىنا شۇعىل تٷردە جەدەل قىزمەتتەر جەتتٸ. عيماراتتان ادامدار ەۆاكۋاتسييالانىپ, تەكسەرٸلۋدە. دەپارتامەنت قىلمىستىق قۇقىق بۇزۋشىلىق بولىپ سانالاتىن تەرروريزم اكتٸسٸ تۋرالى جالعان حابار بەرگەنٸ ٷشٸن جاۋاپكەرشٸلٸك تۋرالى ەسكەرتەدٸ. ول ٷشٸن قر قىلمىستىق كودەكسٸنٸڭ 273-بابىندا (تەرروريزم اكتiسi تۋرالى كٶرiنەۋ جالعان حابارلاۋ) جازا كٶزدەلگەن. وسى باپ بويىنشا 5 جىلعا دەيٸن باس بوستاندىعىنان ايىرۋ جازاسى قاراستىرىلعان», - دەپ مەلٸم ەتتٸ قىزىلوردا وبلىستىق پوليتسييا دەپارتامەنتٸنەن.
ەسكە سالساق, بيىل قىزىلوردا وبلىسىندا 177 جەر ۋچاسكەسٸ مەملەكەت مەنشٸگٸنە قايتارىلدى.
