Elordada qaskúnemder tólem terminalyn buzyp, aqsha salatyn jáshigin urlap ketti. Bul týraly Nur-Sultan qalalyq Politsiia departamentinen málim etti, dep habarlaidy QazAqparat.
«Eki kúdikti Á. Bókeihan kóshesi boiyndaǵy úidiń aýlasynda turǵan tólem terminalyn tańdap alyp, túngi ýaqytta bolgarkanyń kómegimen kesken. Sodan keiin aqsha salynǵan jáshigin alyp ketken. Osy maqsatta olar bir kún buryn qurylys dúkeninen bolgarkany jalǵa alǵan», - dep atap ótedi Politsiia departamentinen.
Vedomstvo málimetinshe, qaskúnemderdiń terminaldy kesip jatqan sáti videoǵa túsip qalǵan. Kúdiktiler alyp ketken aqsha salatyn jáshikte nebári 20 myń teńge ǵana bolǵan.
«Jedel izdestirý is-sharasy barysynda politsiia qyzmetkerleri 26 jastaǵy eki kúdiktini turǵylyqty jerlerinen ustady. Olardyń biri urlyq jasaǵany úshin buǵan deiin sottalǵan. Atalǵan fakti boiynsha sotqa deiingi tergeý júrgizilip jatyr. Kúdiktiler Politsiia departamentiniń ýaqytsha ustaý oqshaýlaǵyshyna qamaldy», - delingen taratylǵan aqparatta.
