ەلوردادا قاسكٷنەمدەر تٶلەم تەرمينالىن بۇزىپ, اقشا سالاتىن جەشٸگٸن ۇرلاپ كەتتٸ. بۇل تۋرالى نۇر-سۇلتان قالالىق پوليتسييا دەپارتامەنتٸنەن مەلٸم ەتتٸ, دەپ حابارلايدى قازاقپارات.
«ەكٸ كٷدٸكتٸ ە. بٶكەيحان كٶشەسٸ بويىنداعى ٷيدٸڭ اۋلاسىندا تۇرعان تٶلەم تەرمينالىن تاڭداپ الىپ, تٷنگٸ ۋاقىتتا بولگاركانىڭ كٶمەگٸمەن كەسكەن. سودان كەيٸن اقشا سالىنعان جەشٸگٸن الىپ كەتكەن. وسى ماقساتتا ولار بٸر كٷن بۇرىن قۇرىلىس دٷكەنٸنەن بولگاركانى جالعا العان», - دەپ اتاپ ٶتەدٸ پوليتسييا دەپارتامەنتٸنەن.
ۆەدومستۆو مەلٸمەتٸنشە, قاسكٷنەمدەردٸڭ تەرمينالدى كەسٸپ جاتقان سەتٸ ۆيدەوعا تٷسٸپ قالعان. كٷدٸكتٸلەر الىپ كەتكەن اقشا سالاتىن جەشٸكتە نەبەرٸ 20 مىڭ تەڭگە عانا بولعان.
«جەدەل ٸزدەستٸرۋ ٸس-شاراسى بارىسىندا پوليتسييا قىزمەتكەرلەرٸ 26 جاستاعى ەكٸ كٷدٸكتٸنٸ تۇرعىلىقتى جەرلەرٸنەن ۇستادى. ولاردىڭ بٸرٸ ۇرلىق جاساعانى ٷشٸن بۇعان دەيٸن سوتتالعان. اتالعان فاكتٸ بويىنشا سوتقا دەيٸنگٸ تەرگەۋ جٷرگٸزٸلٸپ جاتىر. كٷدٸكتٸلەر پوليتسييا دەپارتامەنتٸنٸڭ ۋاقىتشا ۇستاۋ وقشاۋلاعىشىنا قامالدى», - دەلٸنگەن تاراتىلعان اقپاراتتا.
