Bolgariia prokýratýrasy eldegi birqatar jarylystarǵa Resei azamattarynyń qatysy bolýy múmkin dep málimdedi. Vedomstvo ókilderiniń boljamynsha, olar Grýziia men Ýkrainaǵa jetkizilýi tiis oq-dári ornalasqan qoimalardy nysanaǵa alǵan. Mundai diversiialar keminde 2011 jyl men 2020 jyldar aralyǵynda bolǵan, dep jazady Azattyq.
"Resei azamattary Grýziia men Ýkrainaǵa arnaiy ónimdi tasymaldaýǵa kedergi jasaýǵa tyrysqan, muny joǵary senimmen aitýǵa bolady" dedi sársenbi kúni baspasóz jiynynda Bolgariia bas prokýrory Siiký Milevý.
Osyǵan deiin reseilikterdiń qarý-jaraq tasymaldaýmen ainalysatyn jergilikti kásipker Emelian Gebrevke qastandyq jasaý isine qatysy bolýy múmkin ekeni habarlanǵan edi.
Tergeý oryndary Gebrevke tiesili EMCO qarý-jaraq qoimasynda bolǵan jarylysqa (2011 jyly 12 qarasha) Reseidiń qatysy bar-joǵyn zerttep jatyr. Qoimada Grýziiaǵa jetkizilýi tiis ónimder bolǵan.
2015 jyly naýryz ben sáýir ailarynda Iganov qalasynda áskeri zaýyt qoimasynda qatarynan eki jarylys boldy. Bolgariia ekonomika ministrliginiń málimetinshe, onda EMCO ónimderi de bolǵan.
2015 jyly 31 mamyrda Sofiiada burynǵy arnaiy tehnika institýtynyń ǵimaratynan órt shyǵyp, nátijesinde Iganovtaǵy jarylysqa qatysty materialdar órtenip ketken. 2020 jyly Myglij qalasy mańyndaǵy "Arsenal" zaýyty qoimasynda jarylys bolǵan.
11 kún buryn Chehiia premer-ministri Andrei Babish 2014 jyly Vrbetitse qalasynda áskeri qoimada bolǵan jarylysty Resei barlaý qyzmeti uiymdastyrdy dep málimdegen edi.
Cheh arnaiy qyzmetiniń boljamynsha, operatsiiaǵa GRÝ-diń joǵary laýazymdy ofitserleriniń qatysy bar. Operatsiiaǵa general Andrei Averianov jetekshilik etken.
Jarylysqa qatysy bolýy múmkin GRÝ ofitserleri Aleksandr Mishkin men Anatolii Chepigaǵa izdeý jariialandy. Olar buǵan deiin de GRÝ-dyń kadr bóliminiń burynǵy bastyǵy Sergei Skripal men qyzyna Ulybritaniiada ý berdi degen kúdikke ilingen.
Chehiiadaǵy jarylystarǵa qatysy bar delingen "GRÝ qyzmetkerleriniń" jalǵan tólqujattary.
Olardyń Gebrevke jasalǵan qastandyqqa da qatysy bolýy múmkin. Kásipker Gebrev Skripal siiaqty "Novichok" ýymen ýlanǵan degen boljam paida boldy.
Resei óz azamattarynyń jarylystarǵa qatysyn joqqa shyǵardy. Syrtqy ister ministri Sergei Lavrov "bizdi áiteýir ertsgertsog Ferdinandtyń ólimine aiyptamaǵany jaqsy boldy" dep málimdedi.
