Bolat Ótemuratov Túrkistan oblysynyń Maqtaaral aýdanynda 150 úi salý úshin 6 mln AQSh dollaryn bóledi. Bul týraly "Ult aqparat" Bolat Ótemuratov Qorynyń baspasóz qyzmetine silteme jasap habarlaidy.
«Túrkistan oblysynyń Maqtaaral aýdanynda Bolat Ótemuratov Qorynyń qarjylandyrýymen 150 turǵyn úi salynbaq. Olar kórshiles Ózbekstanda bolǵan sý bógetiniń buzylýy saldarynan oryn tapqan tasqynnan zardar shekkenderge beriletin bolady. Qaiyrymdylyq uiymnyń quryltaishysy biznesmen jáne metsenat Bolat Ótemuratov osy sharaǵa 6 mln AQSh dollaryn (2,5 mlrd. teńge) bólgenin málimdedi», - delingen habarlamada.
Turǵyn úiler aýdan ortalyǵy Myrzakent qalasynyń jańa shaǵyn aýdanynda salynady. Munda baspanalary buzylǵan Dostyq, Jańaturmys jáne Jeńis aýyldarynyń turǵyndary kóshiriledi. Jańa shaǵyn aýdanǵa barlyq kommýnikatsiialar tartylyp, balabaqshalar men mektepter salynady.
Eske salsaq, reseilik kásipker Ózbekstandaǵy «Sardoba» sý qoimasynyń bógeti buzylýy saldarynan japa shekken maqtaaraldyqtarǵa 5 mln dollar aýdarǵan bolatyn.
1 mamyrda Ózbekstanda Sardoba sý qoimasynyń bógeti jaryldy. Sonyń saldarynan Túrkistan oblysyndaǵy aýyldardy sý basyp qaldy. Maqtaral aýdanynda 2 mamyrda túngi saǵat 00:00-de tótenshe jaǵdai jariialandy.
