بولات ٶتەمۇراتوۆ تٷركٸستان وبلىسىنىڭ ماقتاارال اۋدانىندا 150 ٷي سالۋ ٷشٸن 6 ملن اقش دوللارىن بٶلەدٸ. بۇل تۋرالى "ۇلت اقپارات" بولات ٶتەمۇراتوۆ قورىنىڭ باسپاسٶز قىزمەتٸنە سٸلتەمە جاساپ حابارلايدى.
«تٷركٸستان وبلىسىنىڭ ماقتاارال اۋدانىندا بولات ٶتەمۇراتوۆ قورىنىڭ قارجىلاندىرۋىمەن 150 تۇرعىن ٷي سالىنباق. ولار كٶرشٸلەس ٶزبەكستاندا بولعان سۋ بٶگەتٸنٸڭ بۇزىلۋى سالدارىنان ورىن تاپقان تاسقىننان زاردار شەككەندەرگە بەرٸلەتٸن بولادى. قايىرىمدىلىق ۇيىمنىڭ قۇرىلتايشىسى بيزنەسمەن جەنە مەتسەنات بولات ٶتەمۇراتوۆ وسى شاراعا 6 ملن اقش دوللارىن (2,5 ملرد. تەڭگە) بٶلگەنٸن مەلٸمدەدٸ», - دەلٸنگەن حابارلامادا.
تۇرعىن ٷيلەر اۋدان ورتالىعى مىرزاكەنت قالاسىنىڭ جاڭا شاعىن اۋدانىندا سالىنادى. مۇندا باسپانالارى بۇزىلعان دوستىق, جاڭاتۇرمىس جەنە جەڭٸس اۋىلدارىنىڭ تۇرعىندارى كٶشٸرٸلەدٸ. جاڭا شاعىن اۋدانعا بارلىق كوممۋنيكاتسييالار تارتىلىپ, بالاباقشالار مەن مەكتەپتەر سالىنادى.
ەسكە سالساق, رەسەيلٸك كەسٸپكەر ٶزبەكستانداعى «ساردوبا» سۋ قويماسىنىڭ بٶگەتٸ بۇزىلۋى سالدارىنان جاپا شەككەن ماقتاارالدىقتارعا 5 ملن دوللار اۋدارعان بولاتىن.
1 مامىردا ٶزبەكستاندا ساردوبا سۋ قويماسىنىڭ بٶگەتٸ جارىلدى. سونىڭ سالدارىنان تٷركٸستان وبلىسىنداعى اۋىلداردى سۋ باسىپ قالدى. ماقتارال اۋدانىندا 2 مامىردا تٷنگٸ ساعات 00:00-دە تٶتەنشە جاعداي جارييالاندى.
