Pavlodarda oblys basshysy Bolat Baqaýovtyń qatysýymen pedagogtardyń dástúrli tamyz konferentsiiasy ótti, dep habarlaidy "Ult aqparat"pavlodarnews.kz saityna silteme jasap.
Bolat Baqaýov bilim berý salasynyń qyzmetkerlerin jańa oqý jylynyń bastalýymen quttyqtap, sátilik pen tabys tiledi.
«Ótken oqý jyly qýanyshqa toly boldy. «Ustazy jaqsynyń - ustamy jaqsy» demekshi, barlyǵymyz da ustazdardyń aldynan óttik. Bala tárbiesi besikten bastalady. Bizdiń basty maqsatymyz – keiingi urpaqqa igi dástúrdi dáripteý. Bul balalardy memlekettik tilde bilim beretin balabaqshalarǵa berýden bastalady. Jastarǵa ana tilinde bilim berý boiynsha jumysty jalǵastyrý kerek. Memlekettik til – ulttyń rýhani tiregi», - dedi Bolat Baqaýov.
Oblys ákimi balalardy qazaq tilinde oqytý úshin mektep jasynan barynsha jaǵdai jasaý týraly tapsyrmasyn eske saldy.
«Barlyq balabaqshalarda qazaq tilinde bilim beretin ólketaný kýrstary ashyldy. Ata-analardyń suranysy boiynsha ótken jyly qazaq tilindegi bilim beretin synyptar №3 jáne №8 gimnaziialarda ashylǵan. Úsh jyl ishinde barlyq pedagogtar qaýymdastyǵynyń aldynda eń úzdik tájiribeler men tehnologiialardy qoldaný arqyly qazaq tilinde oqytý sapasyn arttyrýdy tapsyramyn. Ókinishke orai, búginde balalar qazaq tilinde sóilei qoimaidy. Sondyqtan oqytý ádistemesin tolyǵymen qaita qarastyrý kerek», - dedi aimaq basshysy.
«BİLİM JÁNE ǴYLYM» taqyrybyndaǵy tamyz keńesine 800-ge jýyq adam qatysýda. Onyń ishinde aýdandyq, qalalyq bilim berý bólimderiniń basshylary, bilim berý salasynyń ardagerleri, oblys basqarmalarynyń basshylary, JOO rektorlary, bilim berý mekemeleriniń direktorlary men ustazdary jáne jas mamandar bar.
