پاۆلوداردا وبلىس باسشىسى بولات باقاۋوۆتىڭ قاتىسۋىمەن پەداگوگتاردىڭ دەستٷرلٸ تامىز كونفەرەنتسيياسى ٶتتٸ, دەپ حابارلايدى "ۇلت اقپارات"pavlodarnews.kz سايتىنا سٸلتەمە جاساپ.
بولات باقاۋوۆ بٸلٸم بەرۋ سالاسىنىڭ قىزمەتكەرلەرٸن جاڭا وقۋ جىلىنىڭ باستالۋىمەن قۇتتىقتاپ, سەتٸلٸك پەن تابىس تٸلەدٸ.
«ٶتكەن وقۋ جىلى قۋانىشقا تولى بولدى. «ۇستازى جاقسىنىڭ - ۇستامى جاقسى» دەمەكشٸ, بارلىعىمىز دا ۇستازداردىڭ الدىنان ٶتتٸك. بالا تەربيەسٸ بەسٸكتەن باستالادى. بٸزدٸڭ باستى ماقساتىمىز – كەيٸنگٸ ۇرپاققا يگٸ دەستٷردٸ دەرٸپتەۋ. بۇل بالالاردى مەملەكەتتٸك تٸلدە بٸلٸم بەرەتٸن بالاباقشالارعا بەرۋدەن باستالادى. جاستارعا انا تٸلٸندە بٸلٸم بەرۋ بويىنشا جۇمىستى جالعاستىرۋ كەرەك. مەملەكەتتٸك تٸل – ۇلتتىڭ رۋحاني تٸرەگٸ», - دەدٸ بولات باقاۋوۆ.
وبلىس ەكٸمٸ بالالاردى قازاق تٸلٸندە وقىتۋ ٷشٸن مەكتەپ جاسىنان بارىنشا جاعداي جاساۋ تۋرالى تاپسىرماسىن ەسكە سالدى.
«بارلىق بالاباقشالاردا قازاق تٸلٸندە بٸلٸم بەرەتٸن ٶلكەتانۋ كۋرستارى اشىلدى. اتا-انالاردىڭ سۇرانىسى بويىنشا ٶتكەن جىلى قازاق تٸلٸندەگٸ بٸلٸم بەرەتٸن سىنىپتار №3 جەنە №8 گيمنازييالاردا اشىلعان. ٷش جىل ٸشٸندە بارلىق پەداگوگتار قاۋىمداستىعىنىڭ الدىندا ەڭ ٷزدٸك تەجٸريبەلەر مەن تەحنولوگييالاردى قولدانۋ ارقىلى قازاق تٸلٸندە وقىتۋ ساپاسىن ارتتىرۋدى تاپسىرامىن. ٶكٸنٸشكە وراي, بٷگٸندە بالالار قازاق تٸلٸندە سٶيلەي قويمايدى. سوندىقتان وقىتۋ ەدٸستەمەسٸن تولىعىمەن قايتا قاراستىرۋ كەرەك», - دەدٸ ايماق باسشىسى.
«BİLİM JÁNE ǴYLYM» تاقىرىبىنداعى تامىز كەڭەسٸنە 800-گە جۋىق ادام قاتىسۋدا. ونىڭ ٸشٸندە اۋداندىق, قالالىق بٸلٸم بەرۋ بٶلٸمدەرٸنٸڭ باسشىلارى, بٸلٸم بەرۋ سالاسىنىڭ ارداگەرلەرٸ, وبلىس باسقارمالارىنىڭ باسشىلارى, جوو رەكتورلارى, بٸلٸم بەرۋ مەكەمەلەرٸنٸڭ ديرەكتورلارى مەن ۇستازدارى جەنە جاس ماماندار بار.
