QR Bilim jáne ǵylym ministrligi «Bolashaq» halyqaralyq stipendiiasy iegerleriniń tizimin jariialady, dep habarlaidy "Ult aqparat".
«Shetelde mamandar daiarlaý boiynsha respýblikalyq komissiia otyrysynyń sheshimi boiynsha 188 úmitkerge «Bolashaq» halyqaralyq stipendiiasy taǵaiyndaldy. Stipendiia iegeri atanǵandar sheteldik joǵarǵy oqý oryndarynda magistratýra, doktorantýra baǵdarlamalary boiynsha bilim alady. Sondai-aq, álemdik ǵylymi jáne óndiristik ortalyqtarǵa taǵylymdama boiynsha da jiberiletin bolady», - delingen vedomstvonyń Facebook-tegi paraqshasynda jariialanǵan aqparatta.
Buǵan deiin, 188 qazaqstandyqqa «Bolashaq» stipendiiasy taǵaiyndalǵandyǵy týraly habarlaǵan bolatynbyz.
Aita ketsek, «Bolashaq» halyqaralyq stipendiiasy Qazaqstan Respýblikasynyń Tuńǵysh Prezidenti – Elbasy Nursultan Nazarbaevtyń 1993 jylǵy 5 qarashadaǵy qaýlysymen qurylǵan. Baǵdarlama maqsaty - eldiń ekonomikasynyń basym sektorlary úshin kadrlardy jáne mamandardy daiarlaý. Baǵdarlama joǵary oqý oryndarynyń ǵylymi dárejesin alýdy, sonymen qatar álemniń jetekshi kompaniialarynda jáne ýniversitetterinde ǵylymi jáne týyndy taǵylymdamalardan ótýdi qosady.
