Foto: freepik.com
"Bolashaq" stipendiiasy iegerleriniń jańa tizimi jariialandy, - dep habarlaidy Tengrinews.kz saity.
Shetelde kadrlar daiarlaý jónindegi respýblikalyq komissiia sheshimi boiynsha, 167 qazaqstandyq halyqaralyq stipendiia iegeri atandy. Onyń ishinde 131 adam magistratýrada, 4 adam doktorantýrada oqidy, 32 qazaqstandyq álemniń jetekshi joǵary oqý oryndary men óndiristik ortalyqtaryna taǵylymdamadan ótýge jiberiledi.
Bul rette stipendiattardyń basym kópshiligi injenerlik-tehnikalyq beiin baǵyttary boiynsha daiarlyqtan ótedi. Oqytý 66 mamandyq boiynsha júrgiziledi.
"Ádiletti Qazaqstannyń ekonomikalyq baǵdary" Joldaýynda Memleket basshysy ǵylymi yntymaqtastyqty keńeitý jáne agroónerkásiptik keshen, geologiialyq barlaý, IT-sektor, kreativti indýstriia jáne t. b. úshin kadrlar daiarlaý jóninde tapsyrmalar berdi. Bul baǵyttar suranysqa ie jáne ózekti, biz úmitkerler sanyn kóbeitý, shákirtaqy alý jáne osy baǵyttar boiynsha mamandardy daiyndaityn JOO izdeý jumystaryn júrgizdik", - dedi "Halyqaralyq baǵdarlamalar ortalyǵy" AQ basqarma tóraiymy Áliia Ospanova.
Úmitkerler University of Aberdeen, University of Illinois at Urbana-Champaign, Australian National University, University of Oxford siiaqty álemdik reitingter qataryna kiretin joǵary oqý oryndaryna tústi. "Aqparattyq tehnologiialar jáne júieler", "Úlken derekterdi taldaý", "Qurylys injeneriiasy" jáne "Geologiia. Taý-ken isi. Geodeziia" siiaqty mamandyqtar úmitkerlerdiń úlken qyzyǵýshylyǵyn týdyrady.
Sondai-aq, shetelde kadrlar daiarlaý jónindegi Respýblikalyq komissiianyń sheshimimen 481 qazaqstandyq álemniń jetekshi ǵylymi ortalyqtarynda ǵylymi taǵylymdamadan ótý úshin grant iegeri atandy. Stipendiattar 9 baǵyt boiynsha zertteýler júrgizedi: injenerlik ǵylymdar, jaratylystaný ǵylymdary, gýmanitarlyq sala, agroónerkásiptik keshen, aqparattyq-kommýnikatsiialyq tehnologiialar, áleýmettik ǵylymdar, bilim, meditsina, óner.
