«Bolashaq» halyqaralyq stipendiiasy iegerleriniń tizimi jariialandy, dep habarlaidy QazAqparat Bilim jáne ǵylym ministrligine silteme jasap.
Respýblikalyq komissiianyń sheshimimen osy jylǵy irikteýdiń úshinshi leginde stipendiia 569 qazaqstandyqqa taǵaiyndaldy. Onyń ishinde 163 adam magistratýraǵa, 4 adam álemniń úzdik joǵary oqý oryndarynyń doktorantýrasyna tústi. «Taǵylymdama» baǵdarlamasy boiynsha 37 stipendiat bilim alady. Taǵy 365 ǵalym sheteldik ǵylymi-zertteý ortalyqtarynda taǵylymdamadan ótedi.
Esterińizge sala keteiik, «Ǵalymdar» sanaty biyl Memleket basshysynyń tapsyrmasy boiynsha alǵash ret bekitildi. Bul sheshim Qazaqstandyq ǵalymdarǵa jetekshi ýniversitetterde, ǵylymi jáne salalyq ortalyqtarda bilim alýǵa, sol arqyly eldiń ǵylymi áleýetin arttyrýǵa múmkindik beredi.
«Bolashaq» halyqaralyq stipendiiasynyń iegerleri akademiialyq oqýdan jáne álemniń 27 eliniń jetekshi ýniversitetteri men ǵylymi jáne salalalyq ortalyqtarynda taǵylymdamadan ótedi. 220 adam AQSh, 136 – Ulybritaniia, 57 – Resei Federatsiiasy 13 – Avstraliia, 14 – Germaniia, 3 – Japoniia t. b. memleketterdiń joǵary oqý oryndarynda bilim alady.
Biylǵy jyly taǵylymdamalar men oqytý baǵdarlamalary sheńberinde «Qashyqtan oqytýdyń ádisteri men quraldary», «Pedagogikalyq platformalardy ázirleý», «STEM pánderin oqytý ádistemesi», «Joǵary bilim berýdegi strategiialyq menedjment jáne kóshbasshylyq», «Pedagogikalyq innovatsiialar», «Biologiia, molekýlalyq biologiia, biohimiia», «Virýsologiia. Juqpaly aýrýlar. Epidemiologiia», «Tsifrlyq ekonomika. Sandyq Marketing» syndy baǵyttar suranysqa ie boldy.
«Bolashaq» halyqaralyq stipendiiasy iegerleriniń tizimin myna jerden kórýge bolady.
