QR bilim jáne ǵylym vitse-ministri Rústem Biǵari "Halyqaralyq baǵdarlamalar ortalyǵy" AQ ujymyna jańa basshyny tanystyrdy. Bul týraly "Bolashaq" HBO baspasóz qyzmeti habarlady.
Halyqaralyq baǵdarlamalar ortalyǵynyń jańa prezidenti bolyp Ainur Baǵdatqyzy Káribozova taǵaiyndaldy.
Káribozova Ainur Baǵdatqyzy 1978 jyly týǵan. Ál Farabi atyndaǵy Qazaq ulttyq ýniversiteti men Qazaqstan Respýblikasy Syrtqy ister ministrliginiń Diplomatiialyq akademiiasyn "Halyqaralyq qatynastar" mamandyǵy boiynsha támamdaǵan. "Bolashaq" halyqaralyq baǵdarlamasynyń sheńberinde London ekonomika mektebiniń "Memlekettik basqarý jáne menedjment" mamandyǵy boiynsha magistratýrasyn bitirgen.
2000-2019 jyldar aralyǵynda QR Syrtqy ister ministrliginiń Konsýldyq qyzmet departamenti, Aqparat jáne taldaý basqarmasy, Qazaqstannyń Ońtústik Koreia jáne Ulybritaniiadaǵy elshilikterinde qyzmet etip, "Halyqaralyq baǵdarlamalar ortalyǵy" aktsionerlik qoǵamy Oqytýdy uiymdastyrý jáne monitoring departamentiniń direktory, "KazakhInvest" AQ jáne "Ulttyq aýdarma biýrosy" qoǵamdyq qorynyń Ulybritaniiadaǵy ókildikteriniń basshysy laýazymdaryn atqarǵan.
Birinshi synypty birinshi hatshy diplomatiialyq dárejesi bar.
