Qazaqstan Respýblikasynyń Memlekettik keńesshisi Erlan Qarinniń tóraǵalyǵymen Shetelde kadrlar daiarlaý jónindegi respýblikalyq komissiianyń kezekti otyrysy ótti, dep habarlaidy Aqordanyń baspasóz qyzmeti.
Komissiia sheshimimen «Bolashaq» halyqaralyq stipendiiasy 199 qazaqstandyqqa berildi. Olar magistratýra men doktorantýrada oqityn bolady.
Prezident Qasym-Jomart Toqaevtyń «Bolashaq» baǵdarlamasyn qaita baǵdarlaý jónindegi tapsyrmasyna sáikes injenerlik-tehnikalyq kadrlardy daiarlaýǵa basa mán berildi. Eger ótken jyly injenerlik-tehnikalyq mamandyqtarǵa 36% stipendiia bólinse, biyl 60% bólindi.
Sonymen qatar, meditsinalyq baǵyttaǵy akademiialyq baǵdarlamalarǵa úmitkerlerdiń qoljetimdiligin jáne qyzyǵýshylyǵyn arttyrý maqsatynda Respýblikalyq komissiia meditsina qyzmetkerlerin akademiialyq oqytý úshin jeke sanat bólý týraly sheshim qabyldady.
Jalpy, biyl magistratýra men rezidentýrada oqýǵa 385 stipendiia, doktorantýra baǵdarlamalary boiynsha 60 stipendiia bólindi. Osy jyldyń sońyna deiin Respýblikalyq komissiianyń taǵy eki otyrysy ótedi. «Bolashaq» halyqaralyq stipendiiasyn taǵaiyndaý konkýrsyna qatysý úshin qujat qabyldaý biylǵy 30 mamyrda bastaldy jáne 14 qazanǵa deiin sozylady. Taǵylymdamadan ótý úshin qujat qabyldaý 2022 jylǵy 5 qyrkúiekte bastalyp, 14 qazanǵa deiin sozylady.
Jiyn qorytyndysy boiynsha Erlan Qarin birqatar naqty tapsyrma berdi.
