«Bolashaq» baǵdarlamasy boiynsha konkýrsqa qujattardy qabyldaý 4 mamyr kúni bastalyp, 28 qazanǵa deiin jalǵasady, dep habarlaidy "Ult aqparat".
Bul týraly Bilim jáne ǵylym ministriniń orynbasary Miras Dáýlenov Ortalyq kommýnikatsiialar qyzmetinde ótken baspasóz konferentsiiasynda aitty.
«Bolashaq» baǵdarlamasy boiynsha konkýrsqa qujattardy qabyldaý 4 mamyr kúni bastalyp, 28 qazanǵa deiin jalǵasady. Stipendiialar úsh kezeńde – maýsym, tamyz jáne qarasha ailarynda taǵaiyndalady. Baǵdarlamanyń erekshe jańashyldyǵy Negizgi daiyndyq jumystary júrgizildi. Stipendiialardy berýdi úsh kezeńde: maýsym, tamyz jáne qarasha ailarynda júrgizý josparlanýda, - dedi Miras Dáýlenov.
Onyń aitýynsha, 2021 jylǵa arnalǵan tizbede akademiialyq oqytýǵa arnalǵan 80 mamandyq pen taǵylymdamadan ótýge arnalǵan 137 mamandyq qarastyrylǵan. Onyń ishinde: inkliýzivti bilim berý, virýsologiia, ýrbanistika, jańa materialdar tehnologiiasy siiaqty tyń baǵyttar bar. Mamandyqtar jeti baǵyt boiynsha bólingen: innovatsiialar jáne jańa tehnologiialar, indýstriialyq injeneriia, jaratylystaný ǵylymdary, áleýmettik ǵylymdar, bilim berý, meditsina jáne kreativti indýstriia.
Vitse-ministr biyl «Bolashaq» baǵdarlamasyna 1055 stipendiia bólingenin, onyń 500-i ǵalymdardyń taǵylymdamalaryna arnalǵanyn atap ótti.
«Sheteldik joǵary oqý oryndarynyń, oqýǵa usynylatyn sheteldik uiymdardyń tizimi sapalyq jáne sandyq jaǵynan ózgerdi. Biyl tizimge úsh halyqaralyq akademiialyq reitingke kiretin 27 eldiń 207 joǵary oqý orny kirdi», - dedi Miras Dáýlenov.
Ministrlik ókili biyl alǵash ret «Bolashaq» halyqaralyq stipendiiasyna qujattardy qabyldaý jáne konkýrstyq irikteý protsesteri tolyǵymen avtomattandyrylǵanyn eske saldy. Al irikteý kezeńderiniń sany altydan úshke deiin qysqartylyp otyr. Irikteý týrlary keshendi testileý, táýelsiz saraptama komissiiasynyń múshelerimen jeke áńgimelesý, shetelde kadrlar daiarlaý jónindegi respýblikalyq komissiianyń otyrysynda qujattardy qaraý siiaqty kezeńderden turady.
