Bokstan Qazaqstan ulttyq quramasynyń jańa kapitany bolyp Qamshybek Qońqabaev sailandy. Bul týraly AIVA akademiiasynyń bazasynda ótip jatqan oqý-jattyǵý jiynynda belgili boldy, dep habarlaidy "Ult aqparat" Olympic.kz saityna silteme jasap.
Qońqabaev asa aýyr salmaqta synǵa túsetin boksshy. Ol 2017 jylǵy álem chempionatynda finalǵa jetip, kúmis júldeger atanǵan bolatyn.
«Komanda kapitany bolý úlken jaýapkershilik júkteidi. Sportshylarǵa úlgi bolyp, jol kórsetý - mindetim dep esepteimin. Jańa jyldan bastap komandaǵa jas boksshylar qosyldy. Qurama birshama jańaryp qaldy. Bas bapkerimiz de aýysty. Sol sebepti, bárimiz bir judyryqtai jumylyp, Qazaqstan namysyn abyroimen qorǵaý úshin bar kúshimizdi salamyz», - dedi Qońqabaev.
Bul kúnderi Qazaqstan boksshylary AIVA akademiiasynyń bazasynda jyldyń alǵashqy jiynyn ótkizip jatyr.
Eske salaiyq, ulttyq qurama kapitany mindetin atqarǵan Ádilbek Niiazymbetov sporttaǵy mansabyn aiaqtaǵan bolatyn. Sondai-aq bokstan Qazaqstan ulttyq quramasyn 2009 jyldan beri jattyqtyrǵan Myrzaǵali Aitjanov qyzmetinen bosatylyp, onyń ornyna Ǵalymbek Kenjebaev taǵaiyndaldy.
