Aqtaý áýejaiyna oblys ákimi Serikbai Trumov bastaǵan 100-den astam mańǵystaýlyq jinalyp, bokstan álem chempiony Bekzat Nurdáýletovti kútip aldy, dep habarlaidy "Ult aqparat".
Jinalǵandardyń qoshemeti men ystyq yqylasy zor boldy. Qoldaryna plakat ustap, kók bairaǵymyzdy jelbiretken jastar «Bekzat» dep aiqailaýmen boldy.
Ushaqtan túsken boida shashý shashylyp, ulttyq taǵamdar usynyldy. Bekzat pen bapkeri Marat Jákievti kútip alǵandar quttyqtaý lebizin jaýdyrdy.
Kezdesý kezinde birinshi bolyp sóz alǵan aimaq basshysy bylǵary qolǵap sheberi Bekzat Nurdáýletovke barlyq mańǵystaýlyqtardyń atynan alǵys aityp, shyn júrekten rizashylyǵyn bildirdi.
«Tóbemiz kókke jetkendei boldy, qýanyshymyz qutty bolsyn! Árine, Mańǵystaýdyń mereiin asyryp, mártebesin asqaqtatqan sport sańlaqtarymyz bar. Biraq, onyń ishinde Bekzattyń orny erekshe. Ár qarsylasyn aiqyn basymdyqpen jeńdi. Onyń ishinde kýbalyqty jeńgeni tipti keremet»,-dedi Serikbai Trumov.
Bekzat Nurdáýletov qarsy alýǵa kelgen barlyq jankúierler men óńir basshysyna rizashylyǵyn bildirip, «bul Jeńisti barlyq qazaqstandyqtarǵa arnaimyn» dedi.
Aita keteiik, Bekzad Nurdáýletov 81 kg salmaqta aqtyq finalǵa joldama alyp, keiin finalda jeńiske jetken bolatyn.
