Búgin Reseidiń Ekaterinbýrg qalasynda ótip jatqan bokstan álem chempionatynda sharshy alańǵa shyqqan qazaqstandyq jeti boksshynyń altaýy jarysty jalǵastyratyn boldy, dep habarlaidy "Ult aqparat".
Búgin otandasymyz Abylaihan Júsipov 69 keli salmaqta Nik Birden basym tústi. Budan buryn ol 2015 jylǵy álem chempionatynyń qola júldegeri jáne Aziia chempiony tailandtyq Výttichai Masýkty orta jolda qaldyryp ketti.
Taǵy bir boksshymyz Bekzat Nurdáýletov te (81 keli) jarysty jalǵastyrýǵa múmkindik aldy. Ol búgin braziliialyq Keno Machadony súrindirdi.
Al 91 keliden joǵary salmaqta synǵa túsken Qamshybek Qońqabaev Ispaniiadan kelgen Aiýb Gadfany jeńip, jarystyń 1/4 finalyna joldama aldy.
Sondai-aq, jarystyń 1/4 finaldyq satysyna Sáken Bibosynov (53 keli), Qairat Eráliev (57 keli), Tursynbai Qulahmet (75 keli) jáne Vasilii Levit (91 keli) joldama alǵan edi. Al Zakir Safiýllin (63 keli) jarys jolynan shyǵyp qaldy.
