Foto: grandevent.kz
Aqtaý qalasynda erli-zaiypty blogerlerge qatysty jeke sipattaǵy beinematerialdyń taralý deregi boiynsha qylmystyq is tirkeldi. Video WhatsApp messendjeri arqyly taralǵany belgili boldy, dep habarlaidy Ult.kz.
Osy jaǵdaidan keiin blogerler quqyq qorǵaý organdaryna shaǵym túsirgen. Olardyń aitýynsha, jeke materialdyń taralýyna buryn olarmen jumys istegen mobilograftardyń biriniń qatysy bolýy múmkin degen kúdik bar.
Politsiianyń málimetinshe, ótinish túsken boida jedel-izdestirý sharalary júrgizilgen. Jábirlenýshilermen turaqty bailanys ornatylyp, jaǵdai jan-jaqty tekserilgen.
Nátijesinde kúdikti anyqtalyp, ustaldy. Ol – Aqtaý qalasynyń kámeletke tolmaǵan turǵyny ekeni habarlandy.
Qazirgi ýaqytta istiń barlyq mán-jaiy anyqtalýda. Atalǵan derek boiynsha QR Qylmystyq kodeksiniń 147-baby — «Jeke ómirge qolsuǵylmaýshylyqty buzý jáne jeke ómir týraly málimetterdi tulǵanyń kelisiminsiz zańsyz taratý» boiynsha sotqa deiingi tergeý amaldary bastaldy.
Zańnamaǵa sáikes, bul bap boiynsha aiyppul salýdan bastap, qoǵamdyq jumystarǵa tartý nemese bas bostandyǵyn shekteý, tipti bas bostandyǵynan aiyrý jazasy qarastyrylǵan.
