Kásipkerlerge «basymdy qatyrmańdar» degen Almaty oblysynyń bas sanitariia dárigeriniń isin qaraǵan departament basshysy blogerler jaily óz oiyn bildirdi, dep habarlaidy QazAqparat.
«Memlekettik qyzmetshilerdiń jasalyp jatqan jaqsy jaǵyn bizdiń qoǵamdaǵy azamattar kórgisi kelmeidi. Tek qana sondai syni materialdardy, posttardy ǵana jariialaidy. Búgingi kúni qoǵamda óte osyndai synshylar kóbeidi. Ne istese de barlyq jaǵdaida mindetti túrde kemshilikti izdei bastaidy. Al memlekettik qyzmetshilerdiń nemese aýyldyq okýrg ákimderiniń jasap jatqan jaqsy isterin olar ózderiniń posttarynda jariialamaidy. Ol týraly aitqylary kelmeidi. Ol týraly kórsetkisi kelmeidi» - dedi QR Memlekettik qyzmet isteri agenttigi Almaty oblysy boiynsha departamentiniń basshysy, Almaty oblysy boiynsha Ádep jónindegi keńestiń tóraiymy Liazzat Beisequlova.
Aita keteiik, búgin Taldyqorǵanda Almaty oblystyq bas sanitariia dárigeriniń isi ádep keńesinde qaraldy.
Keńes músheleriniń barlyǵy Erǵali Sydymanovtyń áreketin talqylap, memlekettik qyzmetshi etikasyn saqtamaǵany úshin «qatań sógis» berýdi usyndy.
Endigi kezekte bul usynysty Densaýlyq saqtaý ministri qaraityn bolady.
Esterińizge sala keteiik, Erǵali Sydymanovtyń kásipkerlerge «basymdy qatyrmańdar» degen beinejazbasy jelige tarap, áleýmettik jeli qoldanýshylarynyń narazylyǵyn týdyrǵan bolatyn.
