Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

Blogerdiń komandasy Bozjyrada túsirgen video Qaznetti ashýlandyrdy

Ult portaly
Blogerdiń komandasy Bozjyrada túsirgen video Qaznetti ashýlandyrdy

kollaj: Tengrinews.kz

Qaznet qoldanýshylary Mańǵystaý oblysyndaǵy Bozjyra shatqalynda video túsirgenderdiń áreketine narazy boldy, - dep habarlaidy Tengrinews.kz tilshisi.

Aqtaýlyq bloger Azamat Sársenbaev Facebook-tegi paraqshasynda Bozjyra shatqalynda túsirilgen qysqa rolik jariialady. Onyń kadrlarynan er adam balǵamen tasty jerdi uryp, úgitip jatqanyn baiqaýǵa bolady. Kadr syrtyndaǵy daýys olar muny avtomobilmen óte alýy úshin jasap jatqanyn aitady. Jariialanym avtory olardyń áreketin sókken.

"Nege ol jerde jyldamdyqpen júrýi kerek? Bul jer qatty jynystardan turady. Bul jer avtomobilmen, ásirese jol talǵamaityn kólikpen júrýge arnalmaǵan. Bozjyra iesiz jatqandyqtan jurt oiyna kelgenin istep jatqanyn túsinemin. Biraq nege milliondaǵan jyldan beri qalyptasqan jerdi áserli kadr úshin búldiredi?" - deidi bloger.

Al keiinirek bul videony qazaqstandyq belgili videograf ári rejisser Qyran Talapbek túsirgeni anyqtaldy. Ol videony Instagram-daǵy Stories-te jariialaǵan. Bul videoǵa Aqtaý turǵyny nazar aýdaryp, jergilikti Lada.kz basylymynyń redaktsiiasyna joldaǵan. Ózi bul áreketten shoshyǵanyn aitady.

"Qyran Talapbek túsirgen video ashýlandyrdy, onda bir jigit taý shyńynda kóligi óte alýy úshin tasty jaryp jatyr. Osylai jasaýǵa bola ma? Mańǵystaý tabiǵatynyń osyndai ǵajabyn búldirýge bola ma? Álem bolyp qorǵap jatsaq, mynaý jabaiylyq qoi", - deidi áiel. Onyń aitýynsha, Qyran Talapbek keiin videony óshirip tastaǵan.

Tengrinews.kz redaktsiiasy jaǵdaidy bilý úshin Qyran Talapbekpen bailanysqa shyqty. Rejisserdiń aitýynsha, videodaǵy áreketti qazaqstandyqtar qate túsingen.

"Mańǵystaýda taiaýda tolassyz jaýǵan jańbyrdan keiin sel júrdi, onyń ishinde Bozjyrada da sel júrdi. Belgili bir ýaqyt ótkennen keiin lai qatyp qalǵan. Videoda balǵamen uryp jatqanymyz tas emes, keýip qalǵan lai men shólmektiń synyǵy. Bul rakýrstan anyq kórinbeidi. Bul ǵasyrlar boiy qalyptasqan jer jynysynyń tas qabaty emes. Biz jaiaý júrginshiler súrinbesin dep alyp tastaǵymyz keldi, kólik dóńgelegi de tesilmesin dedik. Igi maqsatymyz bolǵan edi.

Videoda avtomobil óte alýy úshin alyp tastap jatqanymyz aitylady. Bul shyn, sebebi kóligimizdi búldirip alar edik. Al ol jaqta kólikpen júrýge tyiym salynbaǵan, sebebi bul jol, ainalany sholý alańynyń aldy. Al sholý alańy basqa jerde", - deidi ol. 

Qyran Talapbek Mańǵystaý oblysynda túsirilim jasap júrgenin aitady. Videograf qazaqstandyq týrizmdi damytýǵa arnalǵan jáne shetelde kórsetiletin rolik túsirip júr eken. 

"Bozjyraǵa túsirilim lokatsiiasymen tanysý úshin keldik. Tabiǵatqa ziianymyzdy tigizetin oiymyz joq, vandal emespiz, tek osyndai kadr túsip qalǵan. Biz kerisinshe, tazalyq pen ekologiiany qoldaimyz, týrizmdi damytýǵa tyrysyp júrmiz. Áleýmettik jelilerdegi videorolikterimizdi ádette búkil álemniń turǵyndary qaraidy. Sondyqtan Qazaqstannyń sulý mekenderi týraly kóbirek kontent jasap jatyrmyz", - deidi rejisser.

Qyran Talapbektiń túsirilim komandasy óz áreketi úshin qazaqstandyqtardan keshirim surady. 

Politsiia ókilderi bolsa roliktegi adamdarǵa aiyppul salynbaitynyn habarlady. Profilaktikalyq áńgime ǵana júrgizilipti.

Oqi otyryńyz