Batys Qazaqstan oblysynda balyqtyń sirek kezdesetin túrin zańsyz aýlaǵan úsh adam ustaldy, dep habarlaidy QR Ekologiia, geologiia jáne tabiǵi resýrstar ministrliginiń baspasóz qyzmeti.
«2021 jylǵy 27 shildede saǵat 22.30-da QR EGTRM Balyq sharýashylyǵy komitetiniń Jaiyq-Kaspii oblysaralyq basseindik balyq sharýashylyǵy inspektsiiasynyń qyzmetkerleri Batys Qazaqstan oblysy politsiia departamentiniń qyzmetkerlerimen birlesip «Krýgloozernoe» kenti aýdanynda Jaiyq ózeninde reidtik is-sharalar ótkizý kezinde bekire tuqymdas balyqtardy zańsyz aýlaǵan úsh azamatty ustady. Ustaý ornynda jalpy salmaǵy 1,6 kg bolatyn «sterlet» túriniń eki danasy jáne salmaǵy 0,2 kg bolatyn bir laqashyq tabylyp, tárkilendi. Esepteýlerge sáikes, balyq resýrstaryna ziian 467 500 (tórt júz alpys jeti myń bes júz) teńgeni qurady» delingen habarlamada.
Janýarlardyń sirek kezdesetin jáne quryp ketý qaýpi tóngen túrlerin aýlaý úshin jaýapkershilik QR QK-niń 339-babynda (sirek kezdesetin jáne Quryp ketý qaýpi tóngen, sondai-aq paidalanýǵa tyiym salynǵan ósimdik nemese janýar túrlerin, olardyń bólikterin nemese derivattaryn zańsyz paidalaný) úsh jyldan jeti jylǵa deiingi merzimge bas bostandyǵynan aiyrý túrinde kózdelgen.
Osyǵan bailanysty, inspektsiia qyzmetkerleri jinaǵan materialdar qylmystyq is qozǵaý úshin tabiǵatty qorǵaý politsiiasynyń qyzmetkerlerine berildi. Atalǵan fakti QR EGTRM Balyq sharýashylyǵy komitetiniń baqylaýynda.
