Batys Qazaqstan oblysy turǵynynan esirtki, tirkelmegen myltyq jáne oq-dári tabyldy, dep habarlaidy "Ult aqparat".
Shyńǵyrlaý aýdany politsiia bóliminiń bastyǵy Sergei Astafevtiń málim etkenindei, atalǵan qylmys «Qarý» jedel aldyn alý sharasy barysynda ashyldy. B. degen turǵynnyń mekenjaiynan sanktsiialanǵan tintý júrgizilip, tirkelmegen 16 kalibrli tegis uńǵyly ańshy myltyǵy, 73 dana oq-dári jáne basqa oq-dári jasaýǵa arnalǵan ydys-zattar tabyldy.
«Mekenjaidan myltyq pen oq-dáriden basqa saraptama qorytyndysyna sáikes 16,47 gramm keptirilgen marihýana shyqty», dedi S.Astafev.
Osy oqiǵa boiynsha QR QK 287-baby 3-bóligine jáne QR QK 296-baby 2-bóligine sáikes sotqa deiingi tergeý amaldary júrgizilýde.
