Batys Qazaqstan oblysynda Báiterek aýdany turǵyny politsiiaǵa para bergeni úshin ustaldy, dep habarlaidy QazAqparat.
BQO politsiia departamentiniń resmi ókili Bolatbek Nurǵojinniń málim etkenindei, Dariian aýylynda P. degen kúdiktige jalǵan qujattar daiyndamaq bolǵany úshin aiyp taǵylǵan.
QR QK 385-baby 3-bóligine sáikes qylmystyq jaýapkershilikke tartylmaý úshin atalmysh turǵyn Priýral politsiia bólimi tergeý bóliminiń bastyǵyna kelip, 300 myń teńge jáne 50 AQSh dollary kóleminde para usynǵan.
«Atalǵan epizod politsiia qyzmetkerleriniń barlyq kabinetterinde ornatylǵan beinebaqylaý kameralarymen tirkelgen. Tergeý bóliminiń bastyǵy oqiǵa týraly dereý baianat jazyp, para berýshini ustady. Oǵan qatysty QR QK 367-babyna (para berý) sáikes sotqa deiingi tergeý amaldary júrgizilýde», - dedi Nurǵojin.
