Kúdikti anasynyń keýde tusyna dene jaraqattaryn salǵan, dep habarlaidy mgorod.kz saity.
Qaiǵyly oqiǵa 9 tamyz kúni saǵat 18-de Báiterek aýdanynda bolǵan. Batys Qazaqstan oblystyq politsiia departamenti baspasóz qyzmetiniń habarlaýynsha, anasy men ulynyń arasyndaǵy janjal ekeýi birge spirttik ishimdik ishkennen keiin týǵan.
«61 jastaǵy áieldiń múrdesi tabyldy. Barlyq jeke quram dabyl boiynsha kóterildi, izdestirý sharalary jariialandy. Kúdikti qylmystyq izi boiynsha ustaldy. Áieldiń 35 jastaǵy uly faktini jasyryp, tergeýdi jańylystyrýǵa tyrysqan. Kúdikti men onyń anasynyń arasynda janjal bolǵany, artynsha er adamnyń anasynyń keýde tusyna dene jaraqattaryn salǵany anyqtaldy. Áiel alǵan jaraqattardan qaitys boldy», - dep habarlady BQO Politsiia departamentiniń bastyǵy Mahsudhan Áblazimov.
Atalmysh fakti boiynsha QR QK 3-bólimi 106-baby «Ólimge ákep soqqan densaýlyqqa qasaqana aýyr ziian keltirý» boiynsha sotaldy tergeý bastaldy. Tolyǵyraq aqparatty politseiler tergeý aiaqtalǵannan keiin berýge ýáde berdi.
