Batys Qazaqstan oblysynda «Qarasora» jedel aldyn alý is-sharasy barysynda Báiterek aýdanynyń turǵyny 2,5 kelige jýyq marihýanamen ustaldy, dep habarlaidy "Ult aqparat" QazAqparat agenttigine silteme jasap.
BQO politsiia departamentiniń baspasóz qyzmeti málim etkenindei, 8 qyrkúiek kúni 50 jastaǵy er adamnan saraptama qorytyndysyna sáikes 2 kg 470 gramm keptirilgen marihýana tárkilendi.
Sonymen qatar ósirý jáne óńdeý izderi bar 41 buta sora ósimdigi tabylyp, saraptamaǵa jiberildi.
Qazirgi kezde QR QK 296-baby 4-bóligi jáne 300-babyna sáikes sotqa deiingi tergeý amaldary júrgizilip jatyr.
Sondai-aq 9 qyrkúiek kúni Syrym aýdanynyń buryn sottalǵan 31 jastaǵy turǵynynan 9 buta sora jáne tirkelmegen sholaq myltyq tárkilendi. Aiǵaq zattar saraptamaǵa joldanyp, kúdikti ýaqytsha ustaý izoliatoryna qamaldy.
Departament málimetine qaraǵanda, jyl basynan beri zańsyz esirtki ainalymyna qatysty 174 quqyqbuzýshylyq tirkeldi. Sonyń ishinde 21-i esirtki satýǵa bailanysty bolsa, 112-si – qylmystyq ister. Zańsyz ainalymnan 48 kg 293 gramm esirtki jáne psihotroptyq zattar alyndy.
