Batys Qazaqstan oblystyq dene shynyqtyrý jáne sport basqarmasy jetekshisiniń qabyldaý qyzmeti. Oral, 15 jeltoqsan 2016 jyl.
Oralda Batys Qazaqstan oblystyq dene shynyqtyrý jáne sport basqarmasynyń jetekshisi Timýr Shaiahmetov pen osy basqarmanyń bir bólimin basqaratyn qyzmetkeri Aqjan Ishanov para aldy degen kúdikpen ustaldy. Bul týraly Azattyqqa oblystyq prokýratýranyń baspasóz qyzmetinen habarlady.
Korrýptsiiaǵa qarsy is-qimyl ulttyq biýrosynyń jergilikti departamenti ustalǵan sheneýnikterdiń ústinen sotqa deiingi tergeý júrgizip jatyr.
Dene shynyqtyrý jáne sport basqarmasy basshysynyń qabyldaý qyzmetinde Azattyqqa Shaiahmetovtiń "syrqattanyp qalǵanyn" jáne "jaqyn ýaqytta jumysqa shyqpaitynyn" aitty.
37 jastaǵy Timýr Shaiahmetovty oblys ákimi Altai Kólginov basqarma basshysy etip biyl tamyzda taǵaiyndaǵan. Shaiahmetov buǵan deiin halyqaralyq bailanystar basqarmasynda, týristik qyzmetti úilestirý bóliminde, mádeniet, aqparat jáne sport ministrliginiń sport infraquryrylymy bóliminde qyzmet istegen. Ol 2007-2016 jyldary Astanadaǵy "Fýtboldan balalar men jasóspirimderdiń mamandandyrylǵan sport mektebi" memlekettik mekemesiniń direktory bolǵan.
Dene shynyqtyrý jáne sport basqarmasyn Shaiahmetovke deiin basqarǵandardyń biri - Músilim Ońdaǵanov 2014 jyly "asa iri kólemde biýdjet qarjysyn jymqyrdy" degen aiyppen 12 jylǵa sottalǵan.
Sanat Oryn Áli
