Batys Qazaqstan oblysyndaǵy jergilikti jol jelisiniń sapasy respýblikalyq reitingide sońǵy orynda, dep habarlaidy "Ult aqparat" QR IIDM baspasóz qyzmetine silteme jasap.
«Batys Qazaqstan oblysyndaǵy joldardyń 71,3% jóndeýdi talap etedi. Bul – 2018 jylǵy jaǵdai boiynsha óńirler arasyndaǵy eń úlken kórsetkish. Batys Qazaqstan oblysyndaǵy jergilikti mańyzǵa ie avtomobil joldarynyń jalpy uzyndyǵy - 5 104 shaqyrym. Onyń tek 28,7% eksplýatatsiialyq talaptarǵa sai», delingen habarlamada.
Al elimizdegi eń jaqsy joldar Mańǵystaý oblysyna tiesili. Munda oblystyq jáne aýdandyq mańyzy bar avtomobil joldarynyń 92% jaqsy jáne qanaǵattanarlyq jaǵdaida. Aita keteiik, Mańǵystaý oblysyndaǵy jergilikti jol jelisiniń uzyndyǵy - 1 406 shaqyrym. Bul Batys Qazaqstan oblysyndaǵy jergilikti joldardyń jalpy uzyndyǵynan 4 ese kem. Aita keteiik, «Nurly jol 2020-2025» memlekettik baǵdarlamasyna sáikes QR IIDM bir jylda óńirlerdegi joldardyń shamamen 5 myń shaqyrymyn jóndeidi.
Eske sala ketsek, elimizde jergilikti jol jelisiniń jalpy uzyndyǵy 71,2 myń shaqyrym. Búgingi tańda oblystyq jáne aýdandyq mańyzy bar joldardyń 71 % jaqsy jaǵdaida. Aldaǵy 5 jyl ishinde atalmysh kórsetkish 95% deiin jetkizilmek.
