BQO bas memlekettik sanitar dárigeriniń jańa qaýlysy shyqty, dep habarlaidy QazAqparat.
BQO sanitarlyq-epidemiologiialyq baqylaý departamentiniń baspasóz qyzmeti málim etkenindei, atalǵan qaýly 27 jeltoqsannan bastap kúshine enedi.
Qaýlyǵa sáikes saýda jáne oiyn-saýyq úileri, saýda ortalyqtary, halyqqa qyzmet kórsetý ortalyqtaryna turaqty meditsinalyq qarsy kórsetilimderi bar adamdardy qospaǵanda, qyzmetkerler men kelýshiler tek «jasyl» mártebemen kire alady. Sondai-aq vaktsinatsiia, synama alǵan kezden bastap 7 táýlikten aspaityn teris nátijesi bar PTR testi bar, sońǵy úsh ai ishinde COVID-19-ben aýyryp jazylǵan adamdarǵa shekteý qoiylmaidy.
Oblysta turaqty meditsinalyq qarsy kórsetilimderi bar jáne sońǵy 3 ai ishinde COVID-19-ben aýyryp jazylǵan adamdardy qospaǵanda, vaktsina almaǵan qyzmetkerlerdiń jumysqa kelýi de shekteledi. Nemese olar 7 kúnde 1 ret mindetti túrde PTR testiden ótýi tiis.
