Batys Qazaqstan oblysynda biyl veterinariialyq qaýipsizdikti qamtamasyz etý maqsatynda 1 mlrd 065 mln teńge bólindi, dep habarlaidy "Ult aqparat".
BQO veterinariia basqarmasynyń basshysy Serik Nurmaǵanbetovtiń óńirlik kommýnikatsiialar qyzmeti alańynda málim etkenindei, sonyń ishinde epizootiialyq is-sharalarǵa 878,5 mln teńge, sanitarlyq soiýdy uiymdastyrýǵa 57,4 mln, buralqy it-mysyqty aýlaý men biozararsyzdandyrýǵa 63,1 mln, mal ielerine ótemaqy tóleýge 15,3 mln, enzootiialyq is-sharalarǵa 24,2 mln, birdeilendirý derekqoryn tehnikalyq súiemeldeýge 19,8 mln, veterinariialyq preparattardy tasymaldaýǵa 7 mln teńge qarastyryldy.
Serik Bazarulynyń sózine qaraǵanda, epizootiiaǵa qarsy veterinariialyq is-sharalar aiasynda maldyń asa qaýipti 11 aýrýyna qarsy 5,9 mln, brýtsellez dertine diagnostikalyq zertteýler júrgizýge 2,2 mln manipýliatsiia jasaý josparlanyp otyr.
Qazirgi tańda maldyń asa qaýipti aýrýlarynyń aldyn alý úshin QR AShM Veterinariialyq baqylaý jáne qadaǵalaý komiteti tarapynan 2,8 mln doza kóleminde veterinariialyq preparattar bólindi.
Biyl maldyń enzootiialyq aýrýlaryna qarsy (iri qaranyń gipodermatorzy) 136,5 myń bas iri qarany vaktsinatsiialaý kózdelýde.
«Jyl basynan beri janýarlardyń asa qaýipti juqpaly aýrýlarynyń jeti (4 qutyrý, 3 qarasan) oshaǵy tirkeldi.
Barlyq oshaqta tiisti veterinariialyq is-sharalar tolyqtai atqaryldy. Asa qaýipti aýrýlar boiynsha epizootiialyq jaǵdai turaqty. Sol sekildi kúni búginge deiin 32,2 myń bas iri qara (112 paiyz) brýtsellezge zerttelip, sonyń 362 basy oń nátije kórsetti, iaǵni shaldyǵý kórsetkishi – 1,1 paiyz.
Barlyq sanitarlyq mal ýaqtyly soiýǵa tapsyrylýda. Qazirgi tańda ótken jyldan kele jatyrǵan iri qara brýtsellezinen qolaisyz 8, sondai-aq usaq mal brýtsellezi shyqqan 1 eldi mekende saýyqtyrý jumystary júrgizilýde», dedi S.Nurmaǵanbetov.
Aýyl sharýashylyǵy janýarlaryn birdeilendirý aiasynda 2021 jyly 231 myń bas iri qara, 674,4 myń bas qoi-eshki, 508 bas túie, 17 myń bas shoshqany birdeilendirip, 48 myń bas jylqyny tańbalaý josparlanyp otyr. Kúni búginge 49 myń bas iri qara (100 paiyz), 36 myń bas qoi-eshki (100 paiyz), 142 bas túie (100 paiyz), 5 myń bas shoshqa (100 paiyz) birdeilendirilip, 3 myń bas jylqy (100 paiyz) tańbalandy.
