Oral qalasynda toi ótkizetin kottedjder de tekserilip jatyr, dep habarlaidy "Ult aqparat".
Oral qalasy ákimi apparaty aqparattyq tehnologiialar jáne memlekettik qyzmet kórsetý monitoringi bóliminiń basshysy Aslan Jarmuhanovtyń Óńirlik kommýnikatsiialar qyzmeti alańynda ótken brifingide málim etkenindei, shaharda barlyǵy 50-70-ke jýyq kottedj túrli sharalar ótkizýge jalǵa beriledi.
Sonyń ishinde onshaqty iri kottedj toi-dýman ótkizýmen ainalysady. Jýyrda toi ótkizgen eki kottedj anyqtaldy.
Jalpy, BQO bas memlekettik sanitar dárigeriniń qaýlysyna sáikes engizilgen shekteý sharalarynyń saqtalýyn qadaǵalaý maqsatynda kóptegen nysandarǵa monitoringtik tekserý jumystary júrgizilýde.
Qazan aiynda nysandardy monitoringileý barysynda shekteý sharalaryn buzýshylyqtyń 77 deregi anyqtaldy.
Oral qalasy boiynsha 170-ten astam nysan monitoringilik toptardyń baqylaýynda tur.
«Qazirgi tańda kópshilik is-sharalar uiymdastyrý, jiyn-toi ótkizý azaimai tur. Is-sharany uiymdastyrýshylar men toi ieleri aiyppul tólegennen keiin jiyndy ári qarai jalǵastyrýdy suraidy. Shyn máninde monitoringtik toptardyń maqsaty kóp adamnyń jinalýyna jol bermeý bolyp tabylady. Óitkeni mundai jerlerde aýrýdy juqtyrý qaýpi joǵary. Búginde qaitalanǵan quqyq buzýshylyq derekteri jii kezdesip otyr. Mundai jaǵdaida nysandy sot sheshimimen toqtatýǵa deiin shara qoldanylady», dedi A.Jarmuhanov.
