Batys Qazaqstan oblysynda karantindik shekteý sharalaryn buzǵandar týraly habarlaǵan azamattar syiaqy alady, dep habarlaidy "Ult aqparat".
BQO ákiminiń baspasóz qyzmetinen málim etkenindei, bul týraly qoǵamdyq tártipti saqtaýǵa qatysatyn azamattardy yntalandyrý máselelerin qaraý jónindegi oblystyq komissiianyń otyrysynda sheshildi.
Banket, úilený toiy, saltanatty, otbasylyq, eske alý, salt-joralyq jáne basqa da buqaralyq (sonyń ishinde úide ótetin) is-sharalar týraly habarlaǵan azamattarǵa 20 myń teńge kóleminde aqshalai syiaqy beriledi.
Atalmysh sheshim «Qoǵamdyq tártipti qamtamasyz etýge azamattardyń qatysýy týraly» Zańynyń 8-baby 3-tarmaǵyna sáikes biraýyzdan qabyldandy.
Eger kez kelgen turǵyn kópshiliktiń qatysýymen ótip jatqan sharany baiqasa, dereý 102 nemese 112 nómirleri arqyly quzyrly organdarǵa habarlasa alady.
Oqiǵa ornyna politsiia men sanitarlyq-epidemiologiialyq qyzmetkerlerinen qurylǵan arnaiy monitoring toby kelip, quqyq buzýshylyq deregin tirkeidi. Eger ol derek rastalsa, sol azamatqa syiaqy tóleý máselesi komissiiada qaralyp, sheshiletin bolady.
Indetti birlesip qana jeńýge bolady. Bul shara da shekteý sharalarynyń buzylýyna tosqaýyl qoiýǵa septeseri anyq.
