Batys Qazaqstan oblysynda tórtinshi toqsanda 115 oqýshydan koronavirýs tabyldy. Bul týraly oblys ákimi Ǵali Esqalievtiń tóraǵalyq etýimen ótken jedel shtab otyrysynda aityldy, dep habarlaidy "Ult aqparat".
BQO sanitarlyq-epidemiologiialyq baqylaý departamenti basshysynyń orynbasary Nurlybek Mustaevtyń málim etkenindei, 1 sáýirden beri indet anyqtalǵan 115 oqýshynyń 39-y dástúrli túrde, 76-sy qashyqtan oqidy.
Qala men aýdandar bas memlekettik sanitar dárigerleriniń qaýlysyna sáikes 18 mektepte 33 synyp, 9 balabaqshada 11, 1 orta arnaýly oqý ornynda 1 top karantinge jabyldy.
Jyl basynan beri óńirde koronavirýs juqtyrǵandar sany 7177-ge jetti.
Sáýir aiynda 1352 adamnan indet anyqtaldy. Aldyńǵy aptamen (30 naýryz – 5 sáýir, 725) salystyrǵanda, sońǵy jeti kúnde (6-12 sáýir, 821) aýrý juqtyrý kórsetkishi 11,6 paiyzǵa ósti.
Nurlybek Ermekulynyń sózine qaraǵanda, óńir úsh aptadan astam ýaqyt boiy «qyzyl» aimaqta tur. Oblystyń ishinde Oral qalasy, Aqjaiyq, Bórli, Báiterek, Qaztalov, Tasqala, Shyńǵyrlaý «qyzyl», Terekti, Bókei ordasy, Jańaqala, Jánibek «sary», Syrym men Qaratóbe aýdandary «jasyl» aimaqta tur.
Aýyrǵandardyń 52,4 paiyzy (709) Oral qalasy, sondai-aq 13,3 paiyzy (181) Báiterek, 13 paiyzy (176) Bórli aýdandarynyń úlesine tiedi.
Sáýirde indet juqtyrǵandarmen bailanysta bolǵan 2598 adam meditsinalyq baqylaýǵa alyndy.
Osy aida 26178 PTR zertteý (kúnine orta eseppen 2181) júrgizildi.
Oblystyq densaýlyq saqtaý basqarmasy basshysynyń mindetin atqarýshy Arman Qalibekovtiń aitýynsha, óńirde jyl basynan beri koronavirýstan 89 adam kóz jumdy.
Sonyń ishinde qańtarda – 28, aqpanda – 15, naýryzda – 30, sáýirde 16 adam ómirden ozdy. Olardyń 48-i – áielder, 41-i – er adamdar. Qalada 79, aýdandarda 10 adam qaitqan.
«Indetten qaitys bolǵandardyń deni, iaǵni 73 paiyzy – 65 jastan asqandar, 26 paiyzy – 40-65 jastaǵylar, 1 paiyzy – 40 jasqa deiingiler. Sonymen qatar 95 paiyzynyń (82 adamnyń) sozylmaly aýrýy bolǵan. Bylaisha aitqanda, 71 paiyzy júrek-qan tamyrlary, 13 paiyzy qant diabetine, 8 paiyzy basqa dertke shaldyqqan. Epidemiologiialyq ahýaldyń nasharlaýyna jol bermeý úshin barlyq turǵyndardy karantindik talaptardy saqtaýǵa shaqyramyn», dedi Qalibekov.
Oblys ákimi Ǵ.Esqaliev basqa óńirlermen salystyrǵanda, BQO-da qaýipti jaǵdaidyń qalyptasyp otyrǵanyn, qaitys bolǵandar arasynda jasy ulǵaiǵan adamdardyń kóp ekendigin, sondyqtan saqtyq sharalaryn kúsheitý, kópshilik jinalatyn jerlerge barmaý qajettigin atap kórsetti.
