باتىس قازاقستان وبلىسىندا تٶرتٸنشٸ توقساندا 115 وقۋشىدان كوروناۆيرۋس تابىلدى. بۇل تۋرالى وبلىس ەكٸمٸ عالي ەسقاليەۆتٸڭ تٶراعالىق ەتۋٸمەن ٶتكەن جەدەل شتاب وتىرىسىندا ايتىلدى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ مەلٸم ەتكەنٸندەي, 1 سەۋٸردەن بەرٸ ٸندەت انىقتالعان 115 وقۋشىنىڭ 39-ى دەستٷرلٸ تٷردە, 76-سى قاشىقتان وقيدى.
قالا مەن اۋداندار باس مەملەكەتتٸك سانيتار دەرٸگەرلەرٸنٸڭ قاۋلىسىنا سەيكەس 18 مەكتەپتە 33 سىنىپ, 9 بالاباقشادا 11, 1 ورتا ارناۋلى وقۋ ورنىندا 1 توپ كارانتينگە جابىلدى.
جىل باسىنان بەرٸ ٶڭٸردە كوروناۆيرۋس جۇقتىرعاندار سانى 7177-گە جەتتٸ.
سەۋٸر ايىندا 1352 ادامنان ٸندەت انىقتالدى. الدىڭعى اپتامەن (30 ناۋرىز – 5 سەۋٸر, 725) سالىستىرعاندا, سوڭعى جەتٸ كٷندە (6-12 سەۋٸر, 821) اۋرۋ جۇقتىرۋ كٶرسەتكٸشٸ 11,6 پايىزعا ٶستٸ.
نۇرلىبەك ەرمەكۇلىنىڭ سٶزٸنە قاراعاندا, ٶڭٸر ٷش اپتادان استام ۋاقىت بويى «قىزىل» ايماقتا تۇر. وبلىستىڭ ٸشٸندە ورال قالاسى, اقجايىق, بٶرلٸ, بەيتەرەك, قازتالوۆ, تاسقالا, شىڭعىرلاۋ «قىزىل», تەرەكتٸ, بٶكەي ورداسى, جاڭاقالا, جەنٸبەك «سارى», سىرىم مەن قاراتٶبە اۋداندارى «جاسىل» ايماقتا تۇر.
اۋىرعانداردىڭ 52,4 پايىزى (709) ورال قالاسى, سونداي-اق 13,3 پايىزى (181) بەيتەرەك, 13 پايىزى (176) بٶرلٸ اۋداندارىنىڭ ٷلەسٸنە تيەدٸ.
سەۋٸردە ٸندەت جۇقتىرعاندارمەن بايلانىستا بولعان 2598 ادام مەديتسينالىق باقىلاۋعا الىندى.
وسى ايدا 26178 پتر زەرتتەۋ (كٷنٸنە ورتا ەسەپپەن 2181) جٷرگٸزٸلدٸ.
وبلىستىق دەنساۋلىق ساقتاۋ باسقارماسى باسشىسىنىڭ مٸندەتٸن اتقارۋشى ارمان قاليبەكوۆتٸڭ ايتۋىنشا, ٶڭٸردە جىل باسىنان بەرٸ كوروناۆيرۋستان 89 ادام كٶز جۇمدى.
سونىڭ ٸشٸندە قاڭتاردا – 28, اقپاندا – 15, ناۋرىزدا – 30, سەۋٸردە 16 ادام ٶمٸردەن وزدى. ولاردىڭ 48-ٸ – ەيەلدەر, 41-ٸ – ەر ادامدار. قالادا 79, اۋدانداردا 10 ادام قايتقان.
«ٸندەتتەن قايتىس بولعانداردىڭ دەنٸ, ياعني 73 پايىزى – 65 جاستان اسقاندار, 26 پايىزى – 40-65 جاستاعىلار, 1 پايىزى – 40 جاسقا دەيٸنگٸلەر. سونىمەن قاتار 95 پايىزىنىڭ (82 ادامنىڭ) سوزىلمالى اۋرۋى بولعان. بىلايشا ايتقاندا, 71 پايىزى جٷرەك-قان تامىرلارى, 13 پايىزى قانت ديابەتٸنە, 8 پايىزى باسقا دەرتكە شالدىققان. ەپيدەميولوگييالىق احۋالدىڭ ناشارلاۋىنا جول بەرمەۋ ٷشٸن بارلىق تۇرعىنداردى كارانتيندٸك تالاپتاردى ساقتاۋعا شاقىرامىن», دەدٸ قاليبەكوۆ.
وبلىس ەكٸمٸ ع.ەسقاليەۆ باسقا ٶڭٸرلەرمەن سالىستىرعاندا, بقو-دا قاۋٸپتٸ جاعدايدىڭ قالىپتاسىپ وتىرعانىن, قايتىس بولعاندار اراسىندا جاسى ۇلعايعان ادامداردىڭ كٶپ ەكەندٸگٸن, سوندىقتان ساقتىق شارالارىن كٷشەيتۋ, كٶپشٸلٸك جينالاتىن جەرلەرگە بارماۋ قاجەتتٸگٸن اتاپ كٶرسەتتٸ.
