Batys Qazaqstan oblysynda tabiǵi gazdan ýlanǵan 14 adam aýrýhanaǵa jetkizildi, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, oqiǵa 24 aqpan kúni Jańaqala aýdany ortalyǵy Jańaqala aýylynda boldy.
Saǵat 03.40-ta Birlik kóshesi 7-mekenjaiynan 9 adam jedel járdemmen Jańaqala aýdandyq aýrýhanasyna jetkizildi. Olardyń beseýi – balalar. Olardyń bireýi úsh jáne eki jasta, ekeýi bir jasta, sondai-aq jańa týǵan sábi de bar.
Sondai-aq saǵat 05.40-ta Birlik kóshesi 23-mekenjaiynan 5 adam aýrýhanaǵa aparyldy. Olardyń tórteýi – 9, 7, 3 jasar balalar. Bireýi 1 jasqa tolmaǵan.
Bári de jeńil dárejede gazben ýlanǵan bolyp shyqty. Kezekshi dáriger qaraǵannan keiin ambýlatorlyq em alýǵa jiberildi.
