Batys Qazaqstan oblysynda sanitarlyq-epidemiologiialyq talaptardy buzǵandarǵa 35,6 mln teńge aiyppul salyndy, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, barlyǵy 584 ákimshilik hattama toltyryldy.
Sonymen qatar dári-dármek baǵasyn shekten tys arttyrǵany, ruqsatsyz satqany jáne tirkeý qujatynyń bolmaǵany úshin jeke dárihana basshylary men jeke adamdarǵa 11,3 mln teńgege 57 aiyppul salyndy.
Kúni búginge deiin oblysta koronavirýs juqpasymen 6785 adam tirkelse, sonyń 6213-i jazylyp shyqty.
Jedel járdem stansalarynda 63 avtokólik bar, kún saiyn shamamen 700 shaqyrtý bolyp turady.
Qazirgi tańda densaýlyq saqtaý nysandarynda dári-dármek, kadr tapshylyǵy joq.
Áleýmettik tólemaqy tóleý úshin óńirlik komissiiada 188 meditsina qyzmetkerine qatysty material qaralyp, sonyń 126-sy oń sheshimin taýyp, QR Densaýlyq saqtaý ministrliginiń aqparat júiesine engizý úshin jiberildi. Tehnikalyq sebepterge bailanysty bas tartylǵan 13 material boiynsha ministrlikpen kelisilýde. 88 material boiynsha derekter aqparat júiesine engizildi.
Arnaiy jumys toby járdemaqy tóleý úshin material jinaý isin jalǵastyrýda.
Eske sala keteiik, budan buryn Batys Qazaqstanda ahýal qandai ekendigin jazǵan bolatynbyz.
