Batys Qazaqstan oblysynda reseilik azamat 29 keli kiik múiizimen qolǵa tústi, dep habarlaidy "Ult aqparat".
QR Ulttyq qaýipsizdik komiteti Shekara qyzmeti «Batys» óńirlik basqarmasy 2029-áskeri bóliminiń áskeri qyzmetshisi, kapitan Azamat Bimanovtyń aitýynsha, zańdy buzǵan azamat búgin, tańǵy saǵat 06.00-de Aqsai avtomobil ótkizý beketinde ustaldy.
«Shekaralyq baqylaýdy júzege asyrý kezinde reseilik azamat tizgindegen avtokóliktiń júksalǵyshyndaǵy jol sómkesinen kiiktiń jańadan kesilgen 128 dana múiizi tabyldy. Múiizdiń jalpy salmaǵy 28 kg 914 gramdy qurady. Quny 242,4 mln teńgege baǵalandy», - delingen taratylǵan habarlamada.
Atalǵan azamat Qazaqstannan Reseige bara jatqan.
BQO Politsiia departamentiniń baspasóz qyzmeti osy oqiǵaǵa bailanysty QR QK-niń 339-babyna sáikes qylmystyq is qozǵalyp, Bórli aýdany politsiia bólimi tergeý amaldaryn bastaǵanyn jetkizdi.
Eske sala keteiik, budan buryn BQO turǵynynyń 348 dana kiik múiizimen ustalǵanyn jazǵan bolatynbyz.
