Batys Qazaqstan oblysynda naýryzda koronavirýsqa qarsy 1210 adam egildi, dep habarlaidy "Ult aqparat".
BQO Densaýlyq saqtaý basqarmasynyń basshysy mindetin atqarýshy Arman Qalibekovtiń aitýynsha, sonyń ishinde 322-si – pedagogtar, 40-y – quqyq qorǵaý organdarynyń ókilderi.
Arman Talǵatulynyń sózine qaraǵanda, aqpan aiynda 1 myń meditsina qyzmetkeri «Gam-KOVID-Vak» (Spýtnik V) vaktsinasynyń birinshi jáne ekinshi komponentimen egilgen bolatyn.
Naýryzdyń 4-inde oblysqa jetkizilgen 6500 dozamen (3250 doza – birinshi, 3250 doza – ekinshi komponent) adamdar keste boiynsha egilýde. Bul rette eń aldymen birinshi kezeńde ekpemen qamtylmaǵan meditsina qyzmetkerleri, sondai-aq pedagogtar men politseiler egiledi.
«Kún saiyn orta eseppen 200, bir aptada 1 myń adamdy egý josparlanyp otyr. Osylaisha ákelingen vaktsinanyń (3250 doza) birinshi komponentimen 5 sáýirge deiin egip bitirý kózdelýde. Oblystyq bilim basqarmasy, politsiia departamenti jáne basqa quqyq qorǵaý organdarynan túsken tizimder ekpe júrgizetin meditsina mekemelerine jiberiledi. Vaktsinatsiia barysyna kún saiyn monitoring júrgizilip otyrylady», dedi A.Qalibekov.
Oblys boiynsha 28 egý kabineti 7 memlekettik qalalyq emhanada, 5 jeke mekemede, sondai-aq 15 aýdandyq jáne 1 aýyldyq aýrýhanada jumys isteýde.
