Batys Qazaqstan oblysynda naýryz aiynda 3 myńǵa jýyq adamdy koronavirýsqa qarsy egý josparlanyp otyr, dep habarlaidy "Ult aqparat".
BQO sanitarlyq-epidemiologiialyq baqylaý departamentiniń basshysy Muhamǵali Aryspaevtyń óńirlik kommýnikatsiialar qyzmeti alańynda málim etkenindei, oblysta indetke qarsy 27 egý orny bar.
Egý kabinetteri qajetti jabdyqtarmen, ekpeden keiin bolýy múmkin qolaisyz jaǵdai kezinde shuǵyl kómek kórsetý algoritmderimen qamtamasyz etilgen. Dezinfektsiialyq sterildeý qaǵidalary qatań saqtalady.
Barlyq ekpe oryndarynda tońazytqyshtar bar. Qosymsha 5 tońazytqysh jetkizilmekshi.
Muhamǵali Qaiyrjanulynyń sózine qaraǵanda, vaktsinatsiianyń birinshi kezeńinde 1 myń adam ekpe aldy.
Sonyń ishinde 204 meditsina qyzmetkeri ekinshi komponentpen egilip úlgerdi.
Osy kezge deiin óńirde 12844 adam dertke shaldyǵyp, 10355-i saýyǵyp shyqty. 199 adam kóz jumdy.
Biyl 3623, 1 aqpannan beri 1786 adamnyń aýyrǵany tirkeldi. Aqpan aiynda naýqastarmen qarym-qatynasta bolǵan 2996 adam meditsinalyq baqylaýǵa alyndy.
Sońǵy aptada (19-25 aqpan) aldyńǵymen salystyrǵanda, indet juqtyrýdyń 7 paiyzǵa (465-ten 432-ge) tómendegeni baiqalady.
Osy aida koronavirýspen syrqattanǵandardyń 584-i (32,6 paiyzy) – jumys isteitinder, 459-y (25,6 paiyzy) – zeinetkerler, 390-y (21,8 paiyzy) –jumyssyzdar.
«Oqý jyly bastalǵannan beri barlyǵy 465 oqýshydan indet tabyldy. Úshinshi toqsanda, iaǵni 11 qańtardan bastap dástúrli sipatta oqityn 133, qashyqtan bilim alatyn 109, barlyǵy 242 shákirt aýyrdy. 11-25 aqpan aralyǵynda qala men aýdandardyń bas memlekettik sanitar dárigerleriniń qaýlysyna sáikes 6 mektep karantinge jabyldy», dedi M.Aryspaev.
Eske sala keteiik, budan buryn BQO-da Qarashyǵanaq kenishinde 41 adamnan koronavirýs anyqtalǵanyn jazǵan bolatynbyz.
