Batys Qazaqstan oblysynda mal izdeýge shyqqan jasóspirim adasyp ketti, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, oqiǵa Aqjaiyq aýdany Qýrailysai aýyldyq okrýginde boldy.
25 naýryz kúni saǵat 11.00-de Átibek eldi mekeniniń turǵyndary 2004 jylǵy jasóspirim men 1972 jylǵy er adam attarymen mal izdeýge eki baǵytqa shyqqan.
Búgin saǵat 01.20-da jasóspirimniń úiine oralmaǵany jóninde habar túsken.
Jedel qutqarý jasaǵynan 6 adam «Trekol» tehnikasymen shuǵyl jolǵa shyqty. Qutqarýshylardyń kómegimen saǵat 13.31-de atalǵan jasóspirim Ájibai qystaǵynan aman-esen tabyldy. Ol meditsinalyq kómekti qajetsingen joq.
