Batys Qazaqstan oblysynda koronavirýsqa qarsy ekpe alǵandar sany 20 myńnan asty, dep habarlaidy "Ult aqparat".
BQO densaýlyq saqtaý basqarmasy málim etkenindei, vaktsinatsiia bastalǵannan beri óńirge 34300 doza (24150-i – birinshi, 10150-i – ekinshi komponent) jetkizildi.
Kúni búginge deiin 20105 adam I komponentpen egilse, sonyń 5137-si – meditsina qyzmetkerleri, 3740-i – pedagogtar, 1631-i – quqyq qorǵaý, 9597-si – basqa sala ókilderi.
Sondai-aq 4109 adam ekpeniń II komponentin aldy.
2 sáýir kúni túsken 10150 doza (I komponent) túgeldei jumsaldy. BQO sanitarlyq-epidemiologiialyq baqylaý departamenti málimetine qaraǵanda, ekpe alǵan 10150 adamnyń 4200-i – meditsina qyzmetkerleri, 2445-i – pedagogtar, 875-i – quqyq qorǵaý organdarynyń ókilderi, 2630-y – basqalar.
Sonymen qatar 9 sáýir kúni túsken 14 myń doza da (I komponent) meditsina uiymdaryna bólinip berildi. Osydan keshe 2890 adam egildi.
Jalpy, bul partiiadan 9955 adam (71,1 paiyz) vaktsinanyń I komponentin aldy.
«Oblysqa osy aida taǵy 35 myń doza vaktsina jetkizilmek. Óńirde egý kabinetteri 7 memlekettik qalalyq emhanada, 7 jeke klinikada, sondai-aq 15 aýdandyq, 1 aýyldyq aýrýhanada jumys jasaýda», dep habarlady oblystyq densaýlyq saqtaý basqarmasynan.
