Batys Qazaqstan oblysynda koronavirýs juqtyrǵan áiel shet elden kelgen, dep habarlaidy "Ult aqparat".
Búgingi saǵat 09.10-daǵy málimet boiynsha BQO-nyń 1959 jylǵy turǵynynan koronavirýs anyqtaldy.
Memlekettik komissiianyń shuǵyl shtaby málim etkenindei, shet elden kelgen áiel karantindik statsionarǵa jatqyzylyp, test qorytyndysy teris nátije kórsetken. Úi karantininde bolǵanda, onyń dene qyzýy kóterilip, zerthanalyq synama alynǵan. Bul joly COVID-19 diagnozy qoiylyp, oblystyq juqpaly aýrýlar aýrýhanasyna jatqyzyldy.
Naýqaspen qarym-qatynasta bolǵandar meditsinalyq baqylaýǵa alyndy.
Osylaisha BQO-da aýyrǵandar sany 127-ge jetip, sonyń 9-y jazylyp shyqty.
Eske sala keteiik, budan buryn BQO-da meditsina qyzmetkerleriniń biri jazylyp shyqqanyn jazǵan bolatynbyz.
