Batys Qazaqstan oblysynda Shalqar kólinde aǵyp ketken 8 jasar bala úsh kúnnen keiin tabyldy, dep habarlaidy QazAqparat.
BQO TJD baspasóz qyzmetinen túsken málimetke qaraǵanda, 25 maýsym kúni saǵat 15:50-de balanyń denesi Terekti aýdany Rybtseh pen Shalqar aýyldarynyń arasynda kól jaǵalaýynan tabylǵan.
«Balany izdestirý jumystaryna TJD kúshterimen qatar, jergilikti turǵyndar, eriktiler jumyldyryldy. Qazirgi kezde saraptama taǵaiyndaldy. Sonyń qorytyndysyna sáikes ólimniń sebebi anyqtalady», - dep habarlady vedomstvodan.
Eske sala keteiik, budan buryn BQO-da kólde joǵalyp ketken 8 jasar bala men onyń atasy ushaqpen izdestirilip jatqanyn jazǵan bolatynbyz.
Balanyń atasy kóp uzamai aman-esen tabyldy.
