Jyl basynan beri Qarashyǵanaq kenishinde «QPO b.v.» kompaniiasynda jumys jasaityn 41 adamnan koronavirýs anyqtaldy, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, olardyń 15-inen jumysqa kiriser kezde, 10-ynan vahtalyq aýysym bitkennen keiin 16-synan jumystan tys ýaqytta meditsinalyq kómekke júgingende indet tabyldy.
Sondai-aq Chinarev kenishindegi «Jaiyqmunai» JShS-nyń 33 jumysshy-qyzmetkeriniń koronavirýs juqtyrǵany belgili boldy.
Oblysta osy kezge deiin 12769 adam dertke shaldyǵyp, sonyń 10283-i saýyǵyp shyqty.
Sońǵy táýlikte 82, bir aptada 440 adamnan juqpaly indet shyqty.
Kúni búgin invazivti emes jasandy tynys alý apparatyna 7, ottegi kontsentratoryna 7, ortalyqtandyrylǵan ottegi kózine 63 adam qosylǵan.
Óńirdegi 7 infektsiialyq aýrýhanada 270, 4 karantindik statsionarda 4 adam emdelýde. 19 adam jansaqtaý bóliminde jatyr.
Biyl otbasy múshelerinen aýrý juqtyrǵan 261 baladan koronavirýs tabyldy. Oqý jyly bastalǵannan beri aýyrǵan balalar sany 466-ǵa jetti.
