BQO-da er adam jumystasyn uryp óltirdi, dep habarlaidy QazAqparat.
BQO politsiia departamentiniń baspasóz qyzmeti málim etkenindei, aýyr dene jaraqattary saldarynan 47 jastaǵy er adam kóz jumdy.
Páterde ýaqytsha birge turyp jatqan eki er adam bir-birimen sózge kelgen. Janjal sońy tóbeleske ulasqan. 49 jastaǵy er adam áriptesin soqqyǵa jyqqan.
Sonyń saldarynan 47 jastaǵy er adam Bórli aýdandyq ortalyq aýrýhanasyna jetkizilgenimen, jansaqtaý bólimshesinde esin jiia almastan qaitys bolyp ketti.
Kúdikti men jábirlenýshi birge jumys istegen. Qylmys oryn alǵan páterdi birge jalǵa alǵan.
Atalǵan oqiǵa boiynsha qazirgi kezde QR QK 106-baby 3- bóligine (abaisyzda adam ólimine ákep soqqan aýyr dene jaraqatyn keltirý) sotqa deiingi tergeý amaldary júrgizilýde.
