Batys Qazaqstan oblysynda buralqy itter 25 qoidy qyryp ketti, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa Aqjaiyq aýdany Taipaq aýylynda boldy.
2 qyrkúiek kúni tańǵy saǵat 07.00 shamasynda aýyl shetinde turatyn eki turǵynnyń, biriniń 18, ekinshisiniń 7 qoiyn itter óltirip ketken.
Ittiń iesi anyqtalǵan jaǵdaida hattama toltyrylady.
Ótken jyldan beri buralqy itterdi atýǵa tyiym salynǵany belgili. Qazirgi ýaqytta, ásirese, aýyldyq jerlerde buralqy it, mysyqtardyń kóbeiýi kúrdeli máselege ainalyp otyr.
