Batys Qazaqstan oblysynda jyl basynan beri 4041 adam koronavirýs juqtyrdy, dep habarlaidy "Ult aqparat".
BQO sanitarlyq-epidemiologiialyq baqylaý departamenti basshysynyń orynbasary Nurlybek Mustaevtyń óńirlik kommýnikatsiialar qyzmeti alańynda málim etkenindei, sonyń 2483-inde aýrý belgileri bolsa, qalǵan 1558-i – simptomy joqtar.
Indet bastalǵaly óńirde 13262 adam dertke shaldyqsa, sonyń 10941-i saýyǵyp shyqty. 199 adam qaitys boldy.
Aqpannyń 1-inen beri 2204 adamnan koronavirýs anyqtaldy. Aýyrǵandarmen qarym-qatynasta bolǵan 4025 adam meditsinalyq baqylaýǵa alyndy.
Nurlybek Ermekulynyń sózine qaraǵanda, sońǵy aptada (26 aqpan – 4 naýryz) aldyńǵymen salystyrǵanda, juqtyrý kórsetkishi 3,2 paiyzǵa (432-den 418-ge) tómendedi.
Aqpan aiynan beri syrqattanǵandardyń 34,3 paiyzy (757 adam) – jumys isteitinder, 25 paiyzy (553) – zeinetkerler, 20,1 paiyzy (445) – jumyssyzdar, 7,8 paiyzy (173) – oqýshylar, 3,1 paiyzy (70) – meditsina qyzmetkerleri, 3 paiyzy (68) – muǵalimder.
«Oqý jyly bastalǵannan beri barlyǵy 495 shákirtten (251-i dástúrli sipatta, 244-i qashyqtan bilim alady) kovid tabyldy. Úshinshi toqsanda, iaǵni 11 qańtardan bastap 280 (153-i dástúrli, 127-si qashyqtan) oqýshy indet juqtyrdy. 14 aqpan men 4 naýryz aralyǵynda qala men aýdandardyń bas memlekettik sanitar dárigerleriniń qaýlysymen 22 mekteptegi 64 synyp karantinge jabyldy», dedi Mustaev.
