Batys Qazaqstan oblysynda jábirlenýshilerge 7 mln-nan astam teńge zalal keltirgen baýkespe ury ustaldy, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, 31 jastaǵy ury 2019-2021 jyldar aralyǵynda 37 urlyq jasaǵan.
Kúdikti jeke úilerden, salynyp jatqan nysandardan, garajdardan qurylys quraldaryn, altyn buiymdar, aqsha jymqyrǵan. Onyń urlyqty túngi ýaqytta jasaǵany anyqtaldy. Qurylys zattaryn bazarǵa aparyp, satsa, altyn buiymdardy lombardqa ótkizgen, aqshany óz qajetine jumsaǵan.
Qazirgi kezde keltirilgen shyǵyn 7 mln teńgeden asyp otyr, onyń 65 paiyzdan astamy óndirilgen.
«Atalǵan derek boiynsha QR QK 188-baby 3-bóligine (iri mólsherde jasalǵan urlyq) sáikes sotqa deiingi tergeý amaldary júrgizilýde. Kúdikti QR Qylmystyq is júrgizý kodeksi 128-baby tártibimen ýaqytsha oqshaýlaý izoliatoryna qamaldy», dep habarlady vedomstvodan.
