BQO-da Shalqar kólinde nemeresimen birge joǵalyp ketken er adam tabyldy. Qutqarýshylar balany izdeý jumystaryn jalǵastyryp jatyr, - dep habarlaidy Tengrinews.kz agenttigi "Moi gorod" portalyna silteme jasap.
BQO TJ departamenti baspasóz qyzmeti málimetinshe, oqiǵa 22 maýsymda Shalqar kólinde bolǵan. Úrlenetin matrasta otyrǵan 8 jastaǵy bala jel ekpinimen kóldiń ortasyna ketip qalǵan. Ony 1957 jylǵy atasy qutqarmaq bolǵan.
Atasy men nemeresin izdeýge Shalqar kólindegi qutqarý beketinen 5 adam bir qaiyqpen shyqqan, biraq bul nátije bermegen. Keiin izdestirý jumystaryna "QazAviaQutqarý" AQ ushaǵy qosylǵan.
"Saǵat 23:00-de BQO Tótenshe jaǵdailar departamentiniń baspasóz qyzmeti er adam qarsy jaǵalaýdan tabylǵanyn habarlady. Ol aman-esen, jaǵdaiy qanaǵattanarlyq", - delingen habarlamada.
